Aðventa.

Heyrði frá Ronna áðan, þeir eru komnir með 550 tonn af síld og eru lagðir af stað heim.    Ættu að vera hér annað kvöld.  Loksins.

 

Ég dreif mig í búðina í gær, verslaði greni og fleira, fór svo niður í kompu og gróf upp aðventudótið. Lagðist svo fyrir og sofnaði.

Vaknaði við símann um 4-leytið, dóttir mín með rafmagnslausann bíl inni í Nesjum, svo maður neyddist út í kuldann og bruna inneftir til að gefa start.

 

Náði að skreyta aðventukransinn í gærkvöldi, áður en ég datt útaf, vaknaði rétt fyrir 6 í morgun, bakflæðið komið í heimsókn, var slæm frameftir morgni og hef druslast um í dag. Er orðin assgoti sjúskuð og þreytt. En þetta er að lagast, finn það, hver dagur betri en sá á undan.

 

Það var markaður í gær í Miðbænum, og ég splæsti þar í harðfisk, sem Baltó elskar útaf lífinu, bíð bara eftir að hann opni ísskápinn sjálfur til að redda sér.

 

Take care.

Athugasemdir

[Höfuðið (IP-tala skráð) 3.12.2007 kl. 22:14]

Er hann ekki alveg að verða kominn heim núna? Vonandi bíður þú Baltó upp á ekta harðfisk, feitan og góðan steinbít!!