18.apríl.

Í dag á næstelsti sonur minn afmæli, 26 ára, til hamingju elsku Einar Trausti minn.

 

Hann var tekinn með keisara 6 vikum fyrir tímann, fylgjan var fyrir, 3 vikum áður fór að blæða og missti ég þá um 2 lítra af blóði, lá á meðgöngudeild þessar 3 vikur, þar til einn daginn fór aftur að blæða og ég þá skorin.

Læknar gáfu honum enga von, og lét ég skíra hann á öðrum degi. En minn litli kall gafst ekki upp. Hann var vikugamall þegar ég fékk hann fyrst í fangið.

Næstu 3 ár voru erfið, hann var meira á spítala en heima, og alltof oft nær dauða en lífi.

Hann er spastískur, fæturnir mjög snúnir, en með hörkunni gat hann gengið um 2 ára aldur.

Þegar hann varð eldri, fór hann að æfa frjálsar, og keppti á mörgum mótum, bæði hér heima og erlendis, og vann marga titla.

Hann var einu sinni kosinn íþróttamaður Borgarbyggðar og tvisvar kosinn íþróttamaður Borgarfjarðar.

Síðasta mótið sem hann keppti á var Ólimpíumót fatlaðra í Sydney. Honum gekk ágætlega þar, en var langt frá sínu besta. Ástæðan var brjósklos í baki. Hann fór svo í aðgerð árið 2000, og hefur ekki náð sér á strik síðan.

Í dag býr hann í Borgarnesi, keypti sér þar íbúð og vinnur eins mikið og hans fötlun leyfir.

 

Mikið er ég stolt af honum.

 

Take care.

Athugasemdir

[Hulda Margrét Traustadóttir, 18.4.2008 kl. 15:35]

Til hamingju með þennan dugnaðardreng Svana mín. Og góða helgi til ykkar

[Rósa Hlín (IP-tala skráð) 19.4.2008 kl. 12:31]

Já til hamingju með Einar! Frétti að hann hafi skellt sér í sumarbústað. Vonandi var gaman hjá honum.

Svo langar mig að bæta við að hann Einar er alveg eðal drengur, vel upp alinn og með gott hjarta!

[Brynja skordal, 19.4.2008 kl. 12:33]

Til hamingju með æðislega Duglega strákinn þinn mikið máttu vera stolt af honum hafðu ljúfa helgi Elskuleg

[Maddý (IP-tala skráð) 19.4.2008 kl. 18:42]

Til hamingju með strákinn þinn Svanný mín ... knús á þig ...

[Ella mannvera Ronja Chihuahua og Lilo Boxer/Labrador, 20.4.2008 kl. 11:10]

Til hamingju með soninn 

[Brynja skordal, 20.4.2008 kl. 11:36]

Hafðu ljúfan sunnudag mín kæra

[Gríman, 20.4.2008 kl. 12:28]

Til hamingju með að eiga svona frábæran son.

Það er ekki öllum gefið að standa sig í lífinu þó að á móti blási, en þið gerið það greinilega.

Hafið hamingjusamar stundir , þið eigið það skilið

kv

Gríman 

[Íris Gísla (IP-tala skráð) 21.4.2008 kl. 23:21]

Til hamingju með strákinn!