Svanhildur Karlsdóttir

31.7.2008 | 17:22

Þursabit.

Vaknaði illa síðasta sunnudag, komin með þursabit í bakið. Fékk oft svona þegar ég var yngri , en lagaðist um þrítugsaldurinn, veit ekki af hverju.. Núna eru um 2 ár síðan þetta kom síðast.

En jæja, hef skakklappast um húsið síðustu daga, og gert heimilisverkin. Hef fengið fylgd í búðina, því oft vilja hnén gefa sig og mér finnst leiðinlegt að krjúpa fyrir framan hina og þessa, betra að geta haldið í einhvern.

Minn kall átti frí í gær og í dag frá Lóninu, og átti því að vinna á netaverkstæðinu.

En hann hefur verið assgoti veikur síðustu 5 daga, svo ég pantaði tíma hjá lækni og rak hann þangað í gærmorgun.

Minn kall kom hingað heim frá læknaheimsókn með skottið á milli lappana, og sagði að læknirinn hefði skipað sér í rúmið, og mér í apótekið til að sækja lyf, hann var kominn með í lungun.

Svo það er ekki mikið gaman hjá okkur gömlu þessa dagana, hann hóstar og svitnar og ég labba skökk og snúin og urra af verkjum.

En þetta lagast.

Stofnaði flickr-síðu um daginn og er mikið þar, bæði að setja inn myndir og skoða hjá öðrum, virkilega gaman.

Take care.

Flokkur: Bloggar | Facebook

Athugasemdir

Komdu sæl, gamla hvað? Frábært að geta fylgst með þér unga snót Hilsen, gelgjan úr hólminum nema hvað.....

Hrefna Gissurardóttir , 31.7.2008 kl. 20:55

Æ vona að þið hjónin farið að hressast farið vel með ykkur hafðu ljúfa helgi Elskuleg

Brynja skordal, 1.8.2008 kl. 08:36

Takk fyrir innlitskvittið þitt. Ég skil að það geti verið óþægilegt að krjúpa fyrir Pétri eða Páli, aldrei að vita nema þeir héldu að um bónorð væri að ræða!!

Vona að þið farið að hressast kæru hjón

Íris Gíslad (IP-tala skráð) 1.8.2008 kl. 11:48