Svartur pyttur, en uppleið :)

Ég datt í svarta pyttinn í sumar. Kraflaði mig upp öðru hvoru, en datt niður aftur. Fáir vissu af þessu, því ég lék mitt hlutverk vel, faldi allt.   Ég bara vil ekki að fólk hafi áhyggjur af mér, því flestir hafa nóg með sig.   Þetta var erfitt, helvíti erfitt. Var farin að pæla í að leita læknis og fá lyf, en þrjóskaðist við. Enda vil ég ekki vera eins og ég var, uppdópuð í 5 ár, takandi 21 pillu á dag.     Núna er nærri 1 og ½ ár síðan ég hætti öllu pilluáti. (tek jú pillur við háum blóðþrýstingi, magadruslunni og slitgigtinni).

 

En ég er á hraðri uppleið frá þessum svarta pytti, kallinn minn hættur á Jökulsárlóninu, og því meira heima, og ég átti  mjög gott viðtal í dag hjá félagsmálafulltrúanum, sem vill allt fyrir mig gera, eða svona næstum því.

 

En minn kall vann sinn síðasta vinnudag á Jökulsárlóni á laugardag, var þá búinn að leggja net, svo við brunuðum þangað á sunnudag, til að draga upp netin.

Tókum Baltó (hundinn okkar) með okkur og fengum lánaðann zodiac-bát.

 

Þetta var æðislegur dagur, Baltó fílaði sig í botn og var ekkert sjóveikur, við fengum 3 fiska úr netunum,  og við sigldum um Lónið í nærri 2 ½ tíma.

Fórum alla leið inn að jökulstálinu (þar sem Breiðamerkurjökull gengur út í Lónið). Úfffff, hálf óhugnanlegt. Þessi mikli ísveggur, kuldinn og svo að vita, að dýptin undir okkar zodiac-bát væri 208 m. Ég fékk svona kuldahroll, en náði samt að taka nokkrar myndir.

 

Ég tók fullt af myndum, hef birt nokkrar á flickr-síðunni minni, en á margar eftir.

 

Take care.

Athugasemdir

[Maddý (IP-tala skráð) 4.9.2008 kl. 21:12]

208 metrar undir .... nei takk ... ég get ekki svoleiðis!!  Myndirnar eru alveg frábærar!

Farðu vel með þig vinkona ...

[Anna Einarsdóttir, 4.9.2008 kl. 22:22]

Rosalega flottar myndir.

Vonandi færðu betri líðan Svanhildur mín..... líttu á vandamálin sem verkefni sem þarf að leysa og reyndu að eiga sem flestar gæðastundir. 

[Sigga Dóra (IP-tala skráð) 5.9.2008 kl. 08:26]

Já þetta er búið að vera svakalega erfitt sumar!

Vona að þér fari að líða betur knús og baráttukveðjur Sigga

[Svava Bjarna (IP-tala skráð) 5.9.2008 kl. 12:19]

Mikið rosalega eru þetta flottar myndir hjá þér. Frábært áhugamál og þú ert líka stödd á góðum stað hvað varðar myndefni. Gangi þér vel í baráttunni. Kveðjur héðan frá DK Svava

[Anna Jóna (IP-tala skráð) 5.9.2008 kl. 15:34]

Ég vona svo sannarlega að þú hafir sagt skilið við svarta pyttinn....ekki góður staður til að vera á!!

En hvernig er það...eru laugardagsfundirnir byrjaðir aftur?

knús -knús frá mér til þín:) Anna Jóna

[Anna Ragna Alexandersdóttir, 5.9.2008 kl. 16:51]

Flotta myndir

[Sigríður Inga Sigurjónsdóttir, 5.9.2008 kl. 22:18]

Frábæra myndir hjá þér. Láttu þér líða vel. Kveðja frá Ísafirði.

[Svanhildur Karlsdóttir, 6.9.2008 kl. 18:57]

Takk öll fyrir góðar kveðjur.......

Anna Jóna, laugardagsfundirnir eru ekki byrjaðir, en það verður vonandi fljótlega

Knús öll og takk

[Halla Rut , 6.9.2008 kl. 19:21]

Mikið ofboðslega eru þetta flottar myndir hjá þér.

Gang þér vel.

[Svanhildur Karlsdóttir, 6.9.2008 kl. 21:40]

Halla Rut, takk fyrir...

[Anna Ragna Alexandersdóttir, 7.9.2008 kl. 13:54]

 Myndirnar eru alveg frábærar!

[Íris Gíslad (IP-tala skráð) 7.9.2008 kl. 18:07]

Vona að baráttan við pyttinn gangi vel. Væri ekki gaman ef hægt væri að safna saman fullt af fólki og bara moka ofan í hann svo enginn dytti ofan í hann aftur! Það væri nú algjör draumur.

Skoðaði flickr síðuna þína um daginn og þar voru sko margar rosalega fallegar myndir, þú ert fær með vélina.

Baráttukveðjur

[Svanhildur Karlsdóttir, 8.9.2008 kl. 20:40]

Anna Ragna og Íris, takk...

[Steingrímur Helgason, 8.9.2008 kl. 20:56]

Þér venkvennzli mitt, hafið formlega verið klukkuð af minni fantalegu einkavinaperzónu.

Koddu nú nakin fram, gæzkan mín góða...